Raj zgubljen
John Milton

Milton, glasoviti pisec anglijanski, koj 66 let star vumerl je vu Londonu leto 1674to, živel je vu onom vremenu velikoga burkanja domovine svoje, kad najmre, po skončanom kralju Karolu pervoni, Cromwell, poglavnik vojnički, pod imenom slobodne pukoskupčine bil bi ladal anglijanske orsage. Pripovest ovu onda stoprav na svetio je dal, kad, po smerti Cromwella, na kraljevski stolici anglijanski vre ipak nekoje leto sedel bi bil Karol drugi, leto najmre 1665to. Milton, vu vremenu cromwellijansko-ga ladanja opčinske časti obnašajuč, imal je priliku i velikaške, i navadne poslov tečaje razmišlavati, na koje, prez dvojmbe, vnoga vu ovom spisavanju zmerjena biti moraju. Kad z ovum pripovestjum bil bi se boril, vre zevsema bil je oslepel, kak to isto vu tretji knigi žalostno narekuje. Zato vendar od njega i potlam vsakoverstne knige na svetio su došle, s pomocjum kčere njegove dogotovljene, koju zarad toga vu židovskom, gerčkom i dijačkom jeziku sam bil e podvučil...