Spomenar gromiških običajih
Biserka Fućak

Va beskonačnosti vrimena, i va usporedbi z dugin razdobjen nastajanja Zemje i šega sadašnjega, ča j'jedno stoletji? Blisak svitla. Ma va usporedbi š čovičjin životon - puno više leh ča jedan čovik more pametit i živet. Od pronalaska parne makine i ukidanja kmetstva nastale su vele promine ke su jednostavno zbrisale tradicijski način živjenja. Pred sto let va kucah su gorela ognjišća okolo kih su judi razminjevali svoja znanja i iskustva. Danaska se pak, igrajuć s kompjuteri, šeću po svitu. Gjedajuć kako naočigled nestaje tradicija našega kraja, odlučila san del očuvanoga materijala sabrat va knjigu, kaje prema tomu i dobila naziv - Spomenar gromiških običaj ih.
Kroz mićere sličice judih moremo osjetit sledić njihovih ćutjih, videt način života ki j' nestal, razumet vrime i judi prošloga stoletja. Čuda gromiških familij klalo mi j' na raspolaganji svoje slike.. Posložila san jih po starosti, a uz nje san provala čin boje opisat i običaji ki su nestali, kod i oni ki su i danas živi, ali prominjeni. O običajimi san opisala prema svojimi sjećanjimi, as san nikimi od njih i sama kod dite bila svedok, ili pak prema pripovedanju starih judih. Va ovon tisućleću Katedra Čakavskoga sabora za Gromišćinu oživela je stari običaji kolidvanja i tancih pod feštu. Općine Čavja i Jelenje, Udruga Gromiških dondolaših i puno mladih, odvajaju dosta soldih, truda i vrimena da se ne zatare običaj tiranja divoga blaga o proleću z nižih delih šume.